2007年2月16日 星期五

鬼 頭 治 港

九 鐵 爆 火 事 件 , 搞 到 六 百 乘 客 黑 洞 大 逃 亡 , 九 鐵 白 種 話 事 人 詹 伯 樂 坐 鎮 大 局 , 解 畫 道 歉 , 三 扒 兩 撥 , 平 息 慘 劇 。 若 然 楊 彥 在 生 , 同 田 二 少 兩 個 仲 話 緊 事 , 有 乜 結 果 ? 唔 使 審 , 一 定 係 田 二 少 喝 令 楊 某 提 交 一 個 報 告 , 楊 官 就 發 爛 渣 怒 鏟 工 程 人 員 , 某 記 者 近 日 私 下 表 示 , 話 九 鐵 黑 洞 火 , 先 至 特 別 懷 念 KY 楊 , 因 為 佢 住 口 煙 , 拍 拍 , 同 田 老 大 互 片 , 永 遠 有 Sound-bite , 搞 到 全 港 有 排 High ! 點 知 鬼 頭 詹 一 句 Sound-bite 都 冇 , 大 事 化 小 , 雖 搞 到 唯 恐 天 下 不 亂 記 者 冇 功 課 交 , 但 證 明 鬼 頭 危 機 處 理 , 權 威 無 限 , 始 終 高 黃 面 佬 一 籌 , 煲 呔 有 眼 光 搵 兩 個 鬼 頭 空 降 九 鐵 同 醫 管 局 , 真 係 止 得 咳 ! 馬 會 坐 正 CEO 應 家 柏 , 亦 係 德 意 志 公 民 , 係 養 馬 世 家 , 日 前 馬 會 廂 房 召 見 全 港 傳 媒 界 , 講 述 馬 會 二 十 一 世 紀 國 際 化 願 景 , 全 程 唔 用 講 稿 , 威 勢 魅 力 , 勝 過 兩 名 凸 首 候 吮 人 好 多 。 有 人 報 道 , 當 日 馬 會 , 名 筆 名 嘴 , 淪 為 茄 喱 啡 , 有 一 兩 個 仲 早 退 抗 議 。 其 實 早 退 即 是 「 優 等 民 族 辦 事 , 我 放 心 」 咁 解 , 正 如 搭 飛 機 , 當 你 聽 到 駕 駛 室 廣 播 機 師 , 報 道 飛 行 資 料 , 係 一 口 澳 洲 音 英 語 , 而 唔 係 帶 有 圍 頭 口 音 粵 腔 普 通 話 , 都 會 一 萬 個 放 心 , 知 道 飛 行 一 定 安 全 , 仲 使 鬼 聽 埋 落 去 咩 ? 即 時 戴 眼 罩 覺 喇 係 咪 ?

沒有留言: