2007年2月28日 星期三

以 紅 為 本

唐 唐 預 算 案 , 減 差 餉 , 綜 援 有 雙 糧 , 買 低 價 樓 , 印 花 稅 減 至 一 水 , 幫 煲 呔 穩 住 外 圍 民 怨 先 ! 另 外 , 內 則 大 減 紅 酒 稅 , 即 是 幫 煲 呔 連 任 , 執 定 個 洞 房 床 鋪 ! 選 委 會 八 百 人 , 假 洋 鬼 子 充 斥 、 高 等 華 人 處 處 , 咪 睇 口 頭 親 中 愛 國 , 查 實 對 中 華 文 化 毫 無 感 情 , 飲 必 法 國 喇 弗 , 絕 對 唔 會 幫 襯 五 糧 液 、 二 窩 頭 , 窮 人 孖 蒸 , 或 者 「 你 精 我 都 精 」 祖 國 竹 葉 青 ! 係 咪 俾 上 高 甲 醇 酒 嚇 怕 , 驚 飲 唐 酒 , 會 飲 到 溝 足 老 鼠 藥 兼 嘔 白 泡 隻 , 咁 就 唔 知 , 不 過 八 百 壯 士 , 包 括 唐 唐 在 內 , 美 食 精 英 如 雲 , 平 時 飲 酒 習 慣 , 親 法 蘭 西 兼 崇 洋 , 佢 高 高 在 上 , 又 點 會 理 你 新 釗 記 茶 餐 廳 草 根 客 , 平 時 飲 係 伙 記 兩 指 插 一 對 水 杯 、 免 費 奉 送 清 茶 ? 難 怪 烽 煙 大 眾 媽 媽 聲 , 搞 到 冇 厘 和 諧 。 又 係 , 選 委 平 時 上 北 京 , 人 民 大 會 堂 國 宴 , 飲 飲 食 食 , 由 過 渡 期 計 起 , 經 已 二 十 幾 年 , 肚 腩 油 腫 、 壞 膽 固 醇 過 高 有 之 , 打 噎 打 到 止 唔 到 有 之 , 毫 不 尊 重 國 情 , 點 解 仲 咁 迷 戀 鬼 佬 紅 酒 , 尚 未 學 識 毛 主 席 、 周 總 理 等 老 一 輩 革 命 家 咁 , 改 飲 茅 台 ? 唐 唐 唔 減 標 準 稅 , 話 有 咁 收 入 , 就 應 該 要 交 稅 , 一 個 小 農 社 會 , 飲 法 國 紅 酒 , 有 錢 佬 唔 會 貪 平 , 而 係 越 貴 越 有 地 位 。 飲 得 起 兩 萬 銀 一 支 法 國 酒 , 點 解 唔 可 以 交 多 稅 呢 又 ? 減 紅 酒 稅 , 搞 到 紅 酒 鬼 咁 Cheap , 影 響 富 豪 身 份 形 象 , 以 民 為 本 , 搞 到 以 Red Wine 為 本 , 係 咪 會 令 國 家 有 少 少 失 望 呢 ?

沒有留言: