2007年2月18日 星期日

大 欖 玄 學

送 狗 迎 豬 , 年 三 十 晚 , 大 欖 隧 道 外 , 竟 發 生 九 巴 撼 貨 櫃 、 片 皮 批 頭 大 慘 劇 , 上 層 乘 客 飛 墮 , 一 死 多 傷 ! 年 三 十 整 單 咁 ? 十 年 為 一 大 運 , 記 唔 記 得 十 年 前 初 二 , 花 車 遊 行 , 撞 死 遊 客 , 新 年 期 間 , 出 現 公 共 血 光 之 災 , 對 於 社 會 運 程 , 梗 係 大 吉 利 是 ! 送 狗 迎 豬 之 際 , 大 欖 車 禍 , 死 人 車 , 玄 學 上 , 呢 隻 係 一 個 「 拉 豬 賠 狗 」 之 局 , 證 明 狗 年 隻 狗 , 去 得 唔 甘 心 , 臨 落 台 , 要 整 一 整 蠱 上 緊 位 隻 豬 , 邪 一 邪 佢 ! 天 意 示 警 , 今 年 煲 呔 連 任 , 重 新 埋 位 , 而 對 三 司 十 一 局 , 邊 個 行 將 叮 走 , 臨 走 會 唔 會 暗 中 整 鑊 甘 煲 呔 歎 ; 實 行 豬 狗 俱 焚 、 犬 豕 同 煲 , 打 工 仔 就 好 請 龍 師 傅 , 睇 點 避 ! 風 水 學 上 , 今 次 九 巴 出 事 , 個 位 置 正 車 頭 左 上 角 , 即 是 西 北 , 呢 個 方 向 叫 做 「 玄 角 飛 星 位 」 , 大 欖 隧 道 又 在 港 九 西 北 , 邪 上 加 邪 , 點 會 唔 出 事 ? 正 所 謂 金 剋 木 , 不 幸 喪 生 乘 客 , 一 定 係 條 命 屬 木 , 屬 木 人 唔 好 坐 咁 多 巴 士 , 應 該 搭 地 鐵 , 所 謂 土 生 木 , 咁 就 冇 事 ! 好 彩 架 巴 士 有 個 叫 王 大 喜 乘 客 , 個 名 改 得 吉 祥 , 大 叫 一 聲 「 撞 車 呀 」 , 飛 身 走 位 , 驚 醒 埋 後 面 一 個 瞌 眼 , 一 齊 撲 閃 , 雙 雙 避 過 一 劫 。 架 車 爬 頭 , 額 角 越 來 越 高 煲 呔 , 睇 位 呀 !

沒有留言: