2007年2月20日 星期二

車 公 字 Gag

新 界 皇 去 車 公 廟 求 籤 , 車 公 今 年 諭 示 : 「 問 君 曾 見 舊 時 無 , 一 醉 昏 迷 誰 為 扶 。 正 是 今 朝 新 樣 出 , 無 錢 空 手 又 來 沽 。 」 車 公 講 年 年 奇 準 , 今 年 四 句 , 亦 好 猛 料 ! 「 問 君 曾 見 舊 時 無 」 , 車 公 都 知 道 凸 首 姓 曾 , 所 以 今 年 食 字 Gag , 用 個 「 曾 」 字 來 玩 , 可 作 A : 「 曾 特 首 」 個 「 曾 」 , 亦 可 作 B : 「 似 曾 相 識 」 個 曾 。 頭 一 句 最 深 , 傳 統 上 , 呢 句 應 作 B 解 讀 : 「 問 君 曾 見 舊 時 無 」 , 即 是 話 : 今 年 經 濟 大 好 , 樓 股 兩 旺 , 好 到 直 頭 重 返 一 九 九 六 年 肥 彭 主 政 時 殖 民 地 時 代 。 好 多 人 唔 信 , 香 港 主 權 移 交 之 後 , 仲 會 有 英 治 時 代 咁 好 景 。 但 現 時 車 公 反 問 : 「 香 港 今 年 真 係 回 復 到 英 彭 時 代 咁 正 喎 , 你 信 唔 信 ? 」 籤 文 頭 句 之 靈 異 , 就 係 一 個 「 曾 」 字 , 有 兩 種 讀 法 , 車 公 一 字 雙 關 , 指 「 舊 時 」 殖 民 地 時 代 繁 榮 , 只 係 由 阿 「 曾 」 領 導 , 先 至 會 重 見 唧 。 另 外 , 車 公 又 一 語 雙 關 : 煲 呔 「 曾 」 見 舊 時 無 , 指 煲 呔 連 任 , 重 組 班 子 , 想 重 用 舊 時 心 腹 , 起 用 「 鬍 鬚 曾 」 為 政 務 司 司 長 , 點 知 遭 到 特 區 篤 背 脊 阻 力 , 結 果 將 會 變 為 「 無 」 。 一 個 「 曾 」 字 , 連 射 兩 人 , 車 公 支 籤 , 頭 一 句 呢 個 「 曾 」 字 墨 極 重 , 真 係 靈 到 你 唔 信 。 第 一 句 經 已 咁 多 層 次 , 跟 住 三 句 點 呢 , 又 咪 以 為 香 港 真 係 有 運 行 喎 ? 明 日 再 講 ! ( 車 公 籤 解 . 上 )

沒有留言: