2007年2月17日 星期六

民 豬 萬 歲 t k

今 日 豬 年 初 一 , 恭 祝 豬 年 傳 媒 一 片 陳 腔 濫 調 , 又 話 新 春 大 吉 , 豬 籠 入 水 ; 又 話 豬 年 大 運 , 龍 馬 精 神 , 創 意 枯 竭 , 嗌 到 人 想 瞌 眼 。 點 樣 更 好 地 慶 祝 豬 年 ? 最 好 方 法 , 係 由 特 區 三 司 十 一 焗 發 動 全 民 , 一 齊 向 豬 學 習 。 豬 呢 隻 畜 牲 , 有 一 隻 可 貴 品 格 , 就 係 一 生 永 遠 追 求 溫 飽 , 全 無 其 他 需 求 。 正 所 謂 「 溫 飽 權 係 最 大 的 人 權 」 , 呢 一 樣 , 豬 呢 隻 畜 牲 一 早 就 奉 行 千 萬 年 , 只 要 餵 飽 佢 食 豬 餿 , 佢 食 完 就 , 大 小 便 暢 通 , 一 生 就 十 分 快 樂 。 雖 然 到 頭 來 難 免 挨 一 刀 , 食 肉 寢 皮 , 但 邊 隻 畜 牲 係 唔 會 死 呢 ? 豬 呢 隻 畜 牲 , 一 早 就 對 生 死 睇 化 晒 , 唔 會 追 求 「 民 主 」 , 但 求 飲 飽 食 醉 。 你 話 豬 蠢 ? 佢 話 你 蠢 至 係 真 ! 雖 然 鬼 佬 豬 , 同 唐 人 豬 有 少 少 唔 同 , 因 為 英 國 小 說 《 動 物 農 莊 》 面 兩 隻 豬 , 竟 敢 帶 同 畜 牲 作 反 , 一 隻 叫 「 拿 破 崙 」 一 隻 叫 「 雪 球 」 , 不 過 唐 豬 就 冇 呢 一 種 性 格 , 至 多 有 個 豬 八 戒 , 除 飲 食 、 鹹 濕 、 抽 水 呀 咁 , 中 西 豬 隻 文 化 大 比 較 , 呢 方 面 , 不 妨 由 學 者 話 多 畀 我 聽 , 睇 有 乜 示 。 做 豬 你 話 幾 幸 福 呢 , 有 人 飼 養 , 免 費 供 佢 食 餿 水 , 佢 就 迫 埋 搶 食 , 可 惜 咁 耐 仲 未 進 化 到 識 得 排 隊 , 以 致 豬 食 相 , 有 少 少 爭 議 唧 。 點 都 好 。 民 主 是 個 壞 東 西 , 豬 年 來 臨 , 唔 要 民 主 , 寧 要 民 豬 , 祝 各 位 家 肥 屋 潤 , 食 多 兩 斤 叉 燒 肥 豬 肉 喇 。

沒有留言: