2007年3月22日 星期四

揀 貓 政 治

阿 公 贈 送 熊 貓 , 肥 龍 出 面 北 上 揀 貨 , 呢 一 幕 , 有 重 大 政 治 含 意 ! 點 解 搵 肥 龍 , 而 唔 係 唐 唐 或 肥 平 ? 因 為 肥 龍 係 前 殖 民 地 資 深 AO , 亦 即 政 務 官 精 英 代 表 人 物 ! 眨 眼 , 特 區 經 已 十 年 , 前 AO 經 英 國 文 化 薰 陶 點 化 , 證 明 係 一 隻 買 少 見 少 稀 有 品 種 ! 前 英 殖 華 人 政 務 官 , 根 本 冇 得 再 繁 殖 , 重 珍 貴 過 熊 貓 , 加 埋 特 區 十 年 , 煲 呔 已 年 過 花 甲 , 陳 太 出 走 , 任 關 退 休 , 自 然 淘 汰 得 七 七 八 八 , 九 七 之 後 入 職 , DNA 唔 同 , 唔 係 英 殖 時 代 精 英 水 土 一 樣 級 數 ! 經 過 八 年 惶 恐 , 中 方 揀 無 可 揀 , 漸 漸 向 現 實 低 頭 , 承 認 前 港 英 餘 孽 , 至 係 先 進 文 化 代 表 、 先 進 生 產 力 代 表 、 同 埋 最 廣 大 人 民 利 益 代 表 , 所 以 煲 呔 飛 起 肥 平 , 專 搵 精 通 歌 劇 肥 龍 北 上 揀 貓 , 肥 龍 同 熊 貓 一 見 如 故 , 互 相 攬 錫 , 係 煲 呔 暗 中 造 勢 , 暗 示 連 阿 公 亦 對 港 英 餘 孽 亦 即 肥 彭 口 中 「 全 世 界 第 一 流 公 務 員 隊 伍 」 正 式 平 反 , 呢 一 招 綿 藏 針 政 治 手 腕 , 以 熊 貓 喻 AO , 連 阿 公 都 擺 布 埋 , 都 咪 話 唔 高 章 ! 兼 且 肥 龍 兩 公 婆 冇 仔 女 , 熊 貓 生 唔 出 仔 , 佢 一 定 有 切 膚 之 痛 , 所 以 重 點 話 要 揀 有 繁 殖 能 力 優 種 , 完 成 肥 龍 畢 生 未 遂 之 志 , 你 話 肥 龍 幾 有 英 式 幽 默 呢 ?

沒有留言: