2007年3月29日 星期四

單 車 羅 漢

煲 呔 連 任 , 各 路 忽 然 挺 呔 勢 力 , 索 取 回 報 , 紛 紛 展 開 哄 搶 , 正 如 毛 伯 所 講 : 「 收 拾 金 甌 一 片 , 分 田 分 地 真 忙 」 ! 三 司 十 一 焗 , 好 多 個 自 稱 與 北 京 阿 公 有 暗 線 , 根 本 冇 得 郁 , 再 開 一 大 班 副 局 長 、 局 助 , 一 大 棚 回 報 受 惠 人 , 好 似 中 國 瀋 陽 雜 技 團 隻 單 車 羅 漢 , 騎 到 好 似 人 肉 千 層 糕 咁 , 唔 知 點 樣 「 強 政 勵 治 」 法 ? 最 底 騎 緊 單 車 煲 呔 , 真 係 戥 佢 大 汗 細 汗 。 早 知 係 咁 , 老 董 當 日 仲 同 公 務 員 肥 雞 餐 瘦 身 ? 食 肥 雞 餐 走 公 務 員 , 見 到 單 車 羅 漢 咁 壯 觀 , 味 覺 得 好 枉 ? 不 過 , 煲 呔 始 終 條 命 好 。 三 司 十 一 焗 , 一 個 都 唔 換 , 好 處 就 係 有 乜 大 鑊 , 自 己 毋 須 上 身 , 好 似 漁 護 署 人 員 , 在 新 界 屠 房 , 用 鐵 殘 殺 生 豬 咁 , 換 老 董 時 代 , D 豬 慘 死 , 都 識 得 化 為 厲 鬼 , 走 去 嘉 慧 園 索 命 喇 ! 點 似 得 今 日 咁 , 無 風 無 險 , 千 錯 萬 錯 , 只 係 庸 官 有 錯 , 唔 關 當 奴 事 ? 諗 諗 , 三 司 十 一 焗 董 朝 餘 孽 全 體 過 渡 , 加 埋 執 政 聯 盟 , 好 處 就 係 有 咩 事 發 生 , 例 如 沙 士 翻 兜 、 禽 流 感 覆 啅 , 成 個 凸 府 , 再 次 雞 毛 鴨 血 , 都 唔 會 燒 上 當 奴 身 。 E 個 班 底 , 係 阿 公 實 質 任 命 , 政 治 分 豬 肉 , 大 細 份 亦 由 阿 公 主 意 , 第 日 架 羅 漢 單 車 檔 , 唔 通 阿 公 會 惟 當 奴 是 問 咁 唔 通 情 達 理 ? 不 過 若 果 股 票 三 萬 點 呢 ? 就 緊 係 凸 首 個 人 魅 力 , 製 造 出 來 我 會 做 好 E 份 工 。 咩 任 命 都 假 , 最 緊 要 , 係 任 命 幾 個 腳 底 按 摩 師 入 凸 首 府 , 等 到 當 奴 , 可 以 挑 起 張 梳 化 , 閉 目 養 神 , 伸 直 對 腳 , 畀 佢 睇 準 穴 位 , 搞 埋 三 五 年 唧 !

沒有留言: