2007年3月7日 星期三

禁 笑 才 會 贏

呔 巾 口 水 戰 次 回 , 煲 呔 陣 營 大 反 攻 , 首 先 係 洗 洗 個 太 平 地 , 立 例 禁 止 班 吮 委 現 場 唔 生 性 亂 鼓 掌 ! 上 次 就 係 袋 巾 受 掌 聲 煽 動 , 即 時 撻 , 迅 速 陷 入 亢 奮 狀 態 , 以 致 越 來 越 得 戚 ! 咁 呔 巾 越 囂 張 , 台 下 掌 聲 就 越 勁 , 咁 又 輪 到 呔 巾 更 加 嘴 藐 兼 奸 笑 咯 喎 , 咁 就 即 時 造 成 惡 性 循 環 , 而 忠 直 老 實 煲 呔 , 就 此 俾 小 人 得 志 , 蝕 頭 注 ! 今 次 立 例 , 唔 准 鼓 掌 , 之 不 過 , 應 該 係 單 方 面 禁 止 袋 巾 分 子 鼓 掌 , 而 唔 係 禁 埋 愛 國 愛 港 箍 煲 陣 營 ! 道 理 好 簡 單 , 正 如 兩 大 猛 男 相 對 格 劍 ─ ─ 唔 好 誤 會 , 係 真 正 格 劍 隻 ─ ─ 其 中 一 個 , 劍 術 高 , 另 外 個 想 贏 佢 , 唔 係 兩 個 都 一 齊 唔 用 劍 , 而 係 只 跟 對 方 繳 械 , 自 己 就 繼 續 劍 ! 咁 係 咪 唔 公 道 ? 好 笑 喎 , 呢 場 吮 舉 , 由 頭 開 始 , 又 有 邊 一 忽 係 公 道 呢 ? 袋 巾 就 算 吮 贏 , 阿 公 一 拍 , 話 堅 決 唔 委 任 , 再 把 槍 出 , 唔 通 袋 巾 就 真 係 可 以 沐 猴 而 冠 ? 齊 齊 禁 拍 手 , 搞 到 個 場 鬼 咁 Dry , 唔 見 得 煲 呔 數 ! 有 掌 聲 「 浪 」 一 「 浪 」 , 都 叫 做 有 少 少 潤 滑 劑 , 調 節 , 令 到 呔 巾 格 劍 過 程 之 中 , 降 低 磨 擦 所 產 生 出 血 現 象 , 安 全 健 康 好 多 , 兼 拍 手 陣 , 大 家 都 可 以 Buy Time , 有 十 零 秒 鐘 諗 點 樣 覆 佢 啅 , 冇 掌 聲 呢 隻 「 花 士 令 」 , 袋 巾 短 兵 相 接 , 呢 隻 咁 粗 獷 交 鋒 , 唔 出 事 就 奇 ! 加 埋 上 次 袋 巾 得 戚 , 唔 止 袋 巾 分 子 拍 手 咁 少 , 袋 巾 對 住 鏡 頭 賣 笑 , 亦 係 令 市 民 加 分 茅 招 ! 明 知 煲 呔 個 相 , 面 部 筋 肉 天 生 扯 得 好 行 , 生 得 夠 威 嚴 , 袋 巾 笑 搶 位 , 即 係 打 茅 波 !
要 禁 就 禁 埋 候 吮 人 笑 ! 唔 准 笑 ! 嚴 肅 ! 講 緊 治 港 大 事 , 笑 代 表 輕 佻 , 代 表 對 國 家 同 鴉 片 戰 爭 以 來 民 族 先 烈 唔 尊 重 , 袋 巾 背 對 住 主 持 , 上 一 趟 , 就 應 該 對 面 裝 副 大 鏡 , 范 太 一 見 到 袋 巾 笑 , 就 應 該 行 埋 去 摑 佢 一 巴 ─ ─ 啪 ! 人 心 大 快 , 笑 乜 春 ? 笑 !

沒有留言: