2007年3月23日 星期五

眼 色 秋 波

煲 呔 連 任 在 即 , 各 政 黨 齊 齊 迫 上 床 , 鬥 掀 被 , 保 皇 造 勢 , 錦 上 添 花 , 不 過 煲 呔 就 向 泛 民 , 單 眼 俾 訊 號 , 話 歡 迎 加 入 痕 政 會 議 , 企 圖 雪 中 送 炭 ! 郎 情 妾 意 , 泛 民 陣 營 , 亦 開 始 氣 現 嬌 喘 , 面 泛 紅 暈 , 話 考 慮 會 加 入 , 同 其 他 政 黨 一 齊 , 加 入 「 官 人 我 要 」 金 瓶 梅 式 小 合 唱 ! 不 過 , 親 中 政 黨 就 擔 定 仔 , 指 定 要 幾 個 局 長 、 副 局 長 等 , 而 泛 民 最 多 , 就 痕 政 會 議 擺 多 張 、 多 雙 筷 , 雖 然 , 逢 星 期 二 , 可 以 近 距 離 親 褻 曾 爵 士 , 齊 開 會 , 共 呼 吸 , 對 於 好 多 人 , 係 三 生 修 來 福 份 , 不 過 痕 政 會 議 , 有 名 無 實 , 有 名 你 叫 , 至 多 係 掃 背 , 痕 , 並 非 好 似 局 長 同 副 局 長 咁 , 係 埋 牙 打 正 真 軍 ! 自 由 黨 田 少 夠 做 過 痕 政 會 議 , 不 過 田 少 就 好 有 大 志 , 呢 咁 虛 位 , 好 似 齊 天 大 聖 招 攬 上 去 做 避 馬 瘟 咁 , 核 心 未 必 入 到 , 黑 鑊 就 勁 有 得 , 痕 政 會 議 呢 個 竇 , 經 前 朝 董 伯 狎 玩 多 年 , 冇 晒 公 信 力 , 權 威 麻 麻 , 凡 有 性 格 人 士 , 都 唔 會 恨 到 流 口 水 ! 不 過 泛 民 新 來 新 豬 肉 , 繡 花 枕 溫 , 芙 蓉 帳 暖 , 大 家 先 相 睇 , 後 親 暱 , 入 門 飲 杯 茶 , 互 相 摸 底 咁 , 都 冇 壞 , 至 於 邊 個 蝕 底 ? 仲 使 問 , 古 往 今 來 , 梗 係 做 女 方 , 俾 人 呃 隻 金 豬 咧 !

沒有留言: