2007年3月16日 星期五

袋 巾 上 身

呔 巾 口 水 戰 完 場 , 兩 個 都 話 贏 , 袋 巾 更 加 上 晒 身 , 辯 論 過 程 之 中 , 猛 話 若 然 自 己 當 選 , 就 點 點 點 咁 話 ! 其 實 袋 巾 戰 略 有 錯 ! 第 二 回 合 , 既 係 告 別 篇 , 就 應 該 大 打 感 情 牌 , 一 上 場 , 開 波 就 發 表 「 告 全 港 市 民 書 」 , 可 以 咁 講 : 「 各 位 市 民 、 師 奶 、 鄉 親 父 老 : 呢 場 辯 論 , 仲 未 開 波 , 我 經 已 輸 ! 點 解 輸 呢 ? 因 為 我 就 算 講 到 爆 燈 , 我 都 冇 可 能 做 得 到 凸 首 。 不 過 , 因 為 呢 場 不 公 平 選 舉 , 我 經 已 企 度 , 同 凸 首 平 起 平 坐 , 我 代 表 七 百 萬 無 票 人 士 , 向 凸 首 一 個 公 道 ! 今 日 , 我 辯 論 一 定 會 贏 , 但 選 舉 , 我 一 定 會 輸 , 但 歷 史 上 , 我 其 實 係 贏 , 至 於 千 秋 萬 世 , 各 位 市 民 子 子 孫 孫 , 到 底 係 贏 係 輸 , 就 要 睇 大 家 事 後 點 樣 再 爭 取 … … 」 只 有 用 催 淚 彈 , 搞 到 全 場 鴉 雀 無 聲 , 仲 有 幾 聲 抽 泣 聲 , 先 至 可 以 留 下 足 。 不 過 袋 巾 冇 做 到 , 佢 真 係 當 真 「 辯 論 」 。 上 一 場 就 可 以 當 真 , 講 理 性 , 今 場 , 就 要 拆 穿 佢 假 , 玩 感 性 。 所 以 第 二 回 係 悶 場 Repeat , 第 二 回 同 第 一 回 雷 同 , 冇 晒 新 意 ! 再 搞 多 場 , 收 視 率 就 會 得 三 點 , 低 過 午 夜 再 重 播 《 秋 天 的 童 話 》 , 因 為 市 民 對 呢 個 童 話 , 經 已 生 厭 , 當 係 一 個 唔 好 笑 笑 話 !

沒有留言: