2007年3月15日 星期四

一 「 搞 」 兩 制

呔 巾 口 水 大 戰 第 二 回 , 由 於 事 前 搞 出 拍 掌 危 機 兼 又 標 個 張 伯 出 來 , 大 Sell 溫 情 , 加 埋 第 一 回 袋 巾 笑 攻 勢 得 逞 , 公 眾 輿 論 竟 然 認 為 係 袋 巾 贏 一 比 零 。 到 第 二 輪 口 水 戰 , 即 是 話 就 算 煲 呔 贏 番 , 至 多 都 係 個 平 手 。 就 算 一 比 一 , 都 唔 表 示 特 首 大 勝 ! 最 衰 就 係 搞 到 烚 烚 , 多 個 幕 後 高 人 張 伯 , 加 埋 掌 聲 之 爭 , 跟 住 走 陳 日 君 式 吹 雞 318 號 召 遊 行 , 呢 樣 就 係 阿 公 最 唔 想 見 到 ! 乜 叫 做 「 要 搞 好 這 場 選 舉 」 ? 搞 好 即 是 平 安 無 事 咁 解 。 但 現 時 搞 兩 場 辯 論 會 , 有 如 男 女 關 係 , 辯 論 即 是 前 奏 , 而 投 票 至 係 肉 搏 埋 牙 。 有 前 奏 無 肉 搏 , 有 乜 法 子 唔 搞 到 火 紅 火 綠 呢 ? 辛 辛 苦 苦 搭 水 喉 , 搞 到 指 二 萬 點 , 就 係 唔 想 香 港 六 百 萬 人 民 主 情 慾 死 灰 復 燃 , 畀 碟 齋 菜 素 鵝 想 你 做 和 尚 咁 解 。 現 時 無 啦 啦 又 開 番 個 頭 , 加 埋 賭 王 口 述 白 票 之 爭 , 睇 兩 回 辯 論 之 後 , 民 主 火 種 又 試 撻 , 直 頭 有 排 煩 ? 搞 半 日 令 人 突 然 醒 覺 , 阿 公 指 示 : 「 要 搞 好 這 場 選 舉 。 」 個 「 搞 」 字 真 係 可 圈 可 點 , 係 叫 你 規 規 矩 矩 , 正 襟 危 坐 , 唔 係 叫 你 重 新 搞 又 玩 番 起 頭 。 所 以 無 論 辯 論 邊 個 輸 贏 , 一 個 「 搞 」 字 中 港 兩 地 各 有 表 述 , 阿 公 面 唔 面 黑 就 真 係 唔 知 !

沒有留言: