2007年3月11日 星期日

揀 校 長

城 大 校 長 難 產 , 兩 大 熱 門 雙 陳 , 因 為 據 說 事 先 名 單 洩 漏 , 以 致 雙 雙 出 晒 局 ! 選 個 校 長 , 本 來 有 乜 咁 難 ? 若 然 效 法 殖 民 地 制 度 , 由 鬼 子 佬 空 降 , 人 人 心 服 口 服 , 冇 晒 聲 出 。 以 前 葛 量 洪 或 者 肥 彭 來 香 港 履 新 , 人 選 夠 一 早 洩 漏 , 幾 時 試 過 有 人 向 英 女 皇 篤 背 脊 , 搞 到 港 督 難 產 ? 咪 又 全 套 大 帥 軍 服 , 頂 帽 插 枝 羽 毛 , 住 把 劍 , 大 搖 大 擺 咁 皇 后 碼 頭 登 陸 , 洋 奴 爭 相 迎 迓 , 高 呼 女 皇 萬 歲 、 深 慶 得 人 ? 一 旦 「 港 人 治 港 」 , 就 唔 同 ! 即 時 互 相 啪 針 、 黑 函 滿 天 飛 , 演 變 成 類 似 唐 人 街 華 人 飲 食 業 爭 邊 個 做 主 席 咁 : 福 州 幫 唔 順 新 界 佬 , 溫 州 佬 又 話 福 州 佬 係 賊 頭 皮 , 忽 然 又 輪 到 台 山 同 鄉 會 話 自 己 最 識 煮 , 唔 怪 得 留 學 美 國 現 任 校 長 沙 龍 強 , 大 叫 冇 眼 睇 , 聲 稱 任 滿 即 走 , 多 一 日 都 唔 留 ! 怎 樣 選 校 長 ? 好 易 ! 發 展 經 濟 , 壓 倒 一 切 , 香 港 做 校 長 , 唔 係 講 學 術 , 而 係 講 識 唔 識 撲 水 出 口 術 ! 城 大 搵 校 長 , 一 開 波 就 拗 邊 個 邊 個 發 表 過 幾 多 篇 「 國 際 學 術 論 文 」 , 個 Point 一 開 頭 就 錯 ! 一 來 , 香 港 人 唔 識 乜 叫 學 術 論 文 , 加 埋 呢 兩 年 , 學 者 華 文 報 章 寫 專 欄 , 講 點 樣 將 香 港 打 造 為 一 個 國 際 學 術 港 , 全 球 第 一 流 大 學 城 , 越 來 越 似 董 伯 上 身 ! 若 果 唔 係 , 就 好 似 呔 巾 港 男 大 比 拼 咁 , 講 願 景 , 做 場 電 視 口 水 騷 , 向 將 軍 澳 屯 門 師 奶 , 講 自 己 想 點 樣 實 現 普 通 話 、 泰 國 話 、 賓 語 、 越 南 話 等 東 亞 語 言 學 , 由 菲 傭 之 中 , 選 拔 大 學 畢 業 生 尖 子 , 煮 飯 洗 衫 勤 力 , 破 格 聘 為 授 , 並 邀 請 全 港 師 奶 參 與 投 票 學 術 願 景 , 齊 齊 將 大 學 打 造 為 一 間 二 十 一 世 紀 後 現 代 新 馬 克 思 主 義 兼 後 芝 哥 學 派 存 在 主 義 亞 洲 國 際 龍 頭 學 府 ! 定 係 邊 個 撲 得 水 多 邊 個 做 ? 發 展 經 濟 是 硬 道 理 , 阿 公 挺 煲 呔 , 港 人 愛 唐 唐 , 都 係 貪 佢 玄 學 上 , 命 格 旺 財 , 指 二 萬 點 喇 , 係 咪 ?

沒有留言: