2007年3月20日 星期二

光 豬 投 票

投 票 在 即 , 究 竟 投 白 票 有 冇 人 知 , 繼 續 成 為 熱 門 話 題 ! 有 人 話 , 為 免 查 驗 指 紋 , 可 以 戴 手 套 入 場 填 表 ! 之 不 過 , 人 人 唔 戴 手 套 , 你 一 戴 就 現 晒 形 , 面 住 個 安 全 套 入 去 就 冇 人 知 , 戴 手 套 入 場 , 一 定 揚 。 亦 有 人 提 議 , 咁 手 套 毋 須 戴 上 , 只 要 個 袋 , 暗 中 袋 一 副 食 大 閘 蟹 同 拆 大 蝦 殼 隻 酒 家 專 用 薄 膠 透 明 手 套 , 入 場 陣 , 齊 齊 舉 起 雙 手 , 表 示 空 無 一 物 , 入 幕 之 後 , 即 時 由 褲 袋 之 中 閃 電 抽 套 , 咁 咪 得 ! 想 防 範 E 一 招 , 阿 公 都 唔 係 冇 辦 法 , 例 如 嬲 起 上 來 , 下 令 八 百 吮 委 , 入 場 投 票 , 須 先 在 密 室 之 中 剝 衫 剝 褲 , 全 部 裸 體 , 入 到 投 票 室 之 後 , 使 用 室 內 專 門 提 供 原 子 筆 填 表 , 衫 褲 自 然 有 阿 伯 或 阿 嬸 代 為 撿 拾 , 另 一 個 出 口 等 候 ! 呢 一 招 , 若 然 香 港 試 用 , 國 際 傳 媒 到 場 採 訪 , 話 唔 定 會 向 國 際 民 航 局 及 全 球 機 場 推 介 , 為 防 範 恐 怖 分 子 劫 機 , 所 有 乘 客 , 全 裸 上 機 , 好 似 當 年 納 粹 集 中 營 D 猶 太 人 獲 安 排 去 沖 花 灑 咁 , 上 到 機 艙 , 自 然 有 航 空 公 司 提 供 飛 行 專 服 , 俾 乘 客 換 上 ! 裸 體 投 票 , 好 處 多 多 , 除 可 以 順 利 查 驗 指 紋 , 杜 絕 戴 手 套 混 入 密 室 , 仲 可 以 加 強 票 箱 保 安 。 因 為 垃 圾 會 六 十 吮 委 , 有 長 毛 度 , 佢 入 去 投 白 票 猶 自 可 , 萬 一 帶 盒 火 柴 , 入 去 點 , 掟 落 個 票 箱 , 一 把 火 燒 晒 抗 議 , 咁 點 算 ? 剝 光 豬 就 唔 同 , 冇 火 柴 , 冇 打 火 機 , 冇 任 何 破 壞 性 器 具 , 兼 有 指 紋 跟 ! 唔 好 以 為 投 白 票 一 定 係 中 立 人 士 , 有 D 表 態 明 撐 呔 , 入 去 玩 , 嫁 禍 俾 泛 民 或 其 他 功 能 組 別 , 機 會 仲 大 ! 光 豬 防 白 票 , 始 終 最 有 效 , 加 強 透 明 度 , 君 子 坦 蕩 蕩 , 由 媽 田 到 華 叔 , 由 嫻 姐 到 菜 菜 子 , 眾 生 平 等 , 有 乜 好 怕 醜 呢 ?

沒有留言: