2007年4月23日 星期一

二 十 八 號

好 消 息 ! 前 凸 首 辦 公 室 , 用 公 帑 裝 修 二 百 幾 萬 , 座 落 殖 民 地 舊 英 童 學 校 , 堅 尼 地 道 廿 八 號 , 前 凸 首 董 伯 , 隆 重 巡 視 , 即 將 搬 入 莊 , 猛 龍 出 海 , 氣 勢 真 係 唔 同 ! 董 伯 係 香 港 人 敬 愛 一 位 領 導 , 佢 忠 厚 慈 祥 , 施 政 七 年 , 「 八 萬 五 」 政 策 , 雖 然 將 個 樓 市 隊 插 剩 三 成 價 位 , 不 過 , 係 半 杯 水 , 定 半 隻 杯 ? 好 多 窮 人 , 時 趁 平 上 車 , 後 來 腳 痛 , 煲 呔 上 台 , 至 將 個 樓 市 再 舞 番 起 , 冇 錯 , 幸 福 不 忘 煲 呔 曾 , 但 翻 身 都 不 忘 董 建 華 呀 ! 雖 然 當 日 舔 董 保 皇 分 子 , 肉 麻 吹 捧 , 今 日 早 作 鳥 獸 散 , 但 現 時 樓 市 成 萬 二 蚊 一 呎 , 查 實 好 多 人 渴 望 , 董 生 可 以 在 二 ○ 一 二 年 再 選 過 凸 首 。 現 時 澳 門 就 流 傳 一 隻 講 法 : 何 厚 鏵 治 澳 , 引 入 美 國 賭 場 資 金 , 美 鏵 共 治 , 空 前 成 功 , 眨 眼 , 鏵 哥 十 年 任 期 又 到 , 澳 門 冇 接 班 人 , 中 方 都 好 急 , 有 人 正 諗 計 睇 可 唔 可 以 二 ○ ○ 九 年 叫 鏵 哥 腳 痛 一 陣 , 落 台 一 年 半 載 先 , 然 後 翻 閹 再 上 台 ! 因 為 《 基 本 法 》 講 明 , 凸 首 可 以 「 連 任 」 一 次 , 不 過 冇 講 明 , 連 任 之 後 落 一 落 台 , 唔 可 以 重 新 翻 閹 過 ! 董 伯 有 豐 富 治 港 經 驗 , 咁 人 才 , 現 時 寶 雲 道 行 山 , 返 英 童 學 校 睇 報 紙 , ! 董 爺 爺 , 腳 痛 冇 事 嘛 ? 要 保 重 , 隨 時 聽 從 國 家 召 喚 呀 !

沒有留言: