2007年4月2日 星期一

娛 樂 資 訊 系

在 曾 凸 首 三 高 連 任 後 , 個 市 轉 為 淡 靜 , 追 星 族 老 翁 跳 海 慘 案 , 繼 續 成 為 話 題 。 正 如 i-pork 指 出 , E 件 慘 案 , 唔 可 以 抱 住 大 香 港 主 義 心 態 , 好 似 香 港 某 D 名 嘴 同 專 欄 才 女 咁 , 天 生 一 對 白 鴿 眼 , 見 人 窮 就 唱 衰 數 臭 人 楊 氏 一 家 三 口 , 反 而 應 該 由 宏 觀 戰 略 角 度 檢 討 所 謂 中 港 大 融 合 , 究 竟 出 咩 問 題 ? 凡 事 要 睇 正 面 D , 少 D 刻 薄 攻 擊 。 E 件 事 睇 落 證 明 係 內 地 , 好 多 家 庭 親 子 關 係 良 好 , 倫 理 融 洽 。 而 且 甘 肅 楊 家 , 冇 好 似 香 港 D 中 產 家 長 硬 迫 個 女 學 芭 蕾 舞 , 跟 住 又 學 鋼 琴 , 親 英 戀 洋 , 考 埋 D 皇 家 乜 鬼 物 叉 音 樂 文 憑 。 甘 肅 楊 翁 女 , 叫 佢 心 向 香 港 , 全 力 做 晒 劉 華 一 人 project 功 課 , 可 謂 崇 港 戀 華 , E 份 純 樸 農 村 感 情 , 實 在 令 人 感 動 。 香 港 大 專 界 有 好 多 學 額 , 留 畀 大 陸 精 英 尖 子 , 若 然 楊 麗 娟 可 以 以 尖 子 身 份 來 香 港 讀 書 , 特 區 大 學 點 解 唔 可 以 開 一 科 香 港 娛 樂 資 訊 文 化 系 , 連 同 劉 華 文 化 研 究 , 可 以 讀 埋 博 士 , 淨 係 向 北 招 生 呢 ? 本 地 大 學 收 生 政 策 保 守 , 追 星 族 慘 劇 希 望 帶 來 改 革 , 首 先 係 九 加 十 二 擴 大 到 九 加 七 十 一 , 包 容 埋 甘 肅 同 內 蒙 古 , 第 二 就 係 香 港 歌 星 定 期 去 到 甘 肅 青 海 演 唱 慰 勞 , 第 三 就 係 特 區 大 學 好 快 開 一 個 娛 樂 資 訊 系 , 畀 獎 學 金 , 收 多 D 貧 窮 地 區 追 星 尖 子 , 減 少 悲 劇 。 E 樣 相 信 係 未 來 五 年 煲 呔 急 務 , 好 過 睇 近 唔 睇 遠 , 淨 係 識 向 修 頓 四 千 Fan 屎 派 豬 肉 , 派 就 派 遠 D , 派 少 少 去 蘭 州 !

沒有留言: