2007年5月16日 星期三

長 安 街 滿 佈 屍 體   海 淀 區 血 斑 斑

【 本 報 訊 】 民 建 聯 主 席 馬 力 一 句 「 如 果 要 屠 城 , 四 千 個 學 生 應 該 死 晒 」 , 喚 起 18 年 前 親 睹 這 齣 悲 劇 的 人 士 未 敢 忘 懷 的 回 憶 。 當 年 聲 援 北 京 學 運 的 本 港 大 學 生 、 採 訪 的 記 者 、 民 間 人 士 昨 日 嚴 詞 指 摘 馬 力 的 言 論 是 對 六 四 死 傷 者 的 一 種 侮 辱 ; 「 天 安 門 母 親 」 丁 子 霖 更 直 斥 馬 力 喪 盡 天 良 。   記 者 : 謝 明 明 、 張 嘉 雯 、 蔡 志 郁
當 年 以 本 港 學 聯 主 席 身 份 赴 京 聲 援 學 運 的 林 耀 強 表 示 , 六 四 當 日 他 是 最 後 一 批 離 開 天 安 門 廣 場 的 人 士 之 一 。 他 憶 述 , 當 日 死 傷 最 嚴 重 的 非 在 天 安 門 廣 場 上 , 而 是 在 長 安 大 街 、 海 淀 區 及 朝 陽 區 等 軍 隊 進 城 的 必 經 之 路 , 他 曾 經 抱 走 一 名 被 解 放 軍 槍 擊 死 亡 的 工 人 屍 體 : 「 當 我 離 開 廣 場 , 經 過 海 淀 同 朝 陽 區 時 , 沿 途 血 斑 斑 , 好 多 建 築 物 都 有 被 槍 掃 射 破 壞 痕 , 玻 璃 窗 爛 晒 , 火 藥 味 好 濃 。 」 林 直 斥 馬 力 的 言 論 「 離 譜 」 , 「 不 同 人 有 不 同 睇 法 好 正 常 , 但 就 唔 好 太 過 離 譜 , 我 呢 班 當 年 目 擊 者 仲 未 死 , 如 果 話 坦 克 無 入 城 , 就 好 似 日 本 否 認 南 京 大 屠 殺 咁 ! 」
解 放 軍 背 後 放 冷 槍 射 平 民
當 年 另 一 學 聯 代 表 陳 清 華 更 被 解 放 軍 以 槍 柄 打 傷 , 先 後 被 送 往 救 護 站 及 醫 院 。 他 說 : 「 單 係 救 護 站 最 少 有 四 、 五 十 人 受 槍 傷 同 起 碼 有 幾 個 人 被 打 死 , 好 多 受 傷 北 京 市 民 同 我 講 , 佢 都 係 長 安 大 街 附 近 被 軍 人 背 後 放 冷 槍 所 傷 。 」 有 一 幕 更 令 陳 清 華 難 以 忘 懷 , 「 我 被 送 往 醫 院 途 中 , 前 面 有 個 揹 住 受 槍 傷 人 、 年 約 17 歲 北 京 少 年 竟 然 俾 軍 人 開 槍 射 傷 腳 ! 」 他 估 計 事 件 中 有 數 百 至 千 計 的 死 傷 者 。 他 狠 批 馬 力 「 可 恥 、 惡 心 , 平 民 被 射 殺 都 唔 算 係 屠 城 ? 佢 ( 馬 力 ) 無 現 場 親 身 經 歷 過 , 唔 該 佢 收 口 唔 好 講 ! 」
有 市 民 遭 流 彈 射 入 房 殺 死
當 年 在 北 京 採 訪 、 親 睹 坦 克 進 入 天 安 門 廣 場 的 香 港 記 者 謝 志 峰 說 : 「 當 日 凌 晨 坦 克 車 源 源 不 絕 咁 排 晒 廣 場 外 圍 , 我 見 到 有 軍 人 開 槍 , 廣 場 內 子 彈 橫 飛 , 有 子 彈 仲 我 部 攝 影 機 擦 過 , 我 亦 都 長 安 大 街 沿 途 見 到 有 屍 體 , 有 學 生 同 我 講 話 有 坦 克 車 輾 過 廣 場 內 帳 篷 。 」 對 馬 力 質 疑 屠 城 的 言 論 , 謝 反 問 : 「 唔 通 要 將 所 有 人 好 似 豬 咁 困 晒 豬 欄 面 , 然 後 殺 死 晒 , 咁 先 至 叫 屠 城 ? 我 覺 得 六 四 事 件 中 有 軍 車 入 城 、 有 軍 人 開 槍 、 有 死 人 , 已 經 可 以 係 屠 城 , 亦 係 中 國 人 心 痛 事 件 。 」 支 聯 會 副 主 席 李 卓 人 表 示 , 當 日 見 到 北 京 市 民 用 木 頭 車 將 不 少 死 傷 者 運 往 醫 院 搶 救 , 「 我 醫 院 見 到 好 多 被 帆 布 掩 蓋 屍 體 , 唔 少 學 生 、 家 長 同 我 講 , 話 好 多 人 被 軍 人 開 槍 打 死 。 」 當 年 身 在 北 京 的 港 人 黃 太 昨 對 港 台 節 目 《 千 禧 年 代 》 稱 , 「 晚 上 聽 到 槍 聲 , 以 為 係 爆 竹 , 家 中 有 人 當 過 兵 , 知 道 係 槍 聲 , 後 來 仲 有 流 彈 , 成 晚 都 聽 到 , 唔 知 咩 事 。 翌 日 朝 , 見 到 學 生 面 色 蒼 白 , 清 場 , 我 阿 哥 個 同 事 更 屋 企 俾 流 彈 射 入 房 殺 死 。 」 同 一 天 空 下 , 另 一 當 年 身 在 香 港 透 過 電 視 機 目 睹 事 件 的 黃 太 說 : 「 我 電 視 機 前 面 唔 到 、 食 唔 到 , 係 咁 流 眼 淚 , 前 幾 日 我 睇 丁 子 霖 , 我 又 喊 。 」
可 帶 馬 力 拜 訪 死 難 者 家 庭
「 我 很 快 就 回 北 京 , 到 時 候 讓 這 個 姓 馬 的 到 北 京 來 , 我 任 何 時 候 都 願 意 恭 候 他 , 看 看 他 有 沒 有 勇 氣 走 到 每 個 六 四 死 難 者 的 家 庭 中 來 , 看 看 甚 麼 叫 事 實 。 」 乍 聞 馬 力 將 六 四 事 件 中 被 壓 死 在 坦 克 底 下 的 民 運 人 士 與 豬 相 提 並 論 , 目 前 正 在 江 蘇 無 錫 老 家 的 「 天 安 門 母 親 」 丁 子 霖 昨 日 氣 憤 得 哽 咽 難 言 , 直 斥 馬 力 喪 盡 天 良 , 其 言 論 是 對 「 六 四 」 死 傷 者 及 親 人 最 大 的 侮 辱 , 為 虎 作 倀 。
支 聯 會 悼 念 六 四 18 周 年 活 動
日 期 : 5 月 18 日   時 間 : 4:00pm地 點 : 民 建 聯 總 部 所 在 的 北 角 聯 合 出 版 大 廈 地 下 對 開 活 動 : 六 四 圖 片 展 日 期 : 5 月 20 日   時 間 : 2:00pm地 點 : 西 貢 清 水 灣 郊 野 公 園 活 動 : 民 主 風 箏 活 動 日 期 : 5 月 27 日   時 間 : 3:00pm地 點 : 由 銅 鑼 灣 維 多 利 亞 公 園 至 中 區 政 府 總 部 活 動 : 愛 國 民 主 大 遊 行 日 期 : 6 月 3 日   時 間 : 8:45am地 點 : 中 區 遮 打 道 行 人 專 用 區 活 動 : 「 毋 忘 六 四 」 18 公 里 長 跑 日 期 : 6 月 4 日   時 間 : 8:00pm地 點 : 銅 鑼 灣 維 多 利 亞 公 園 活 動 : 「 六 四 」 18 周 年 燭 光 悼 念 集 會 資 料 來 源 : 支 聯 會

沒有留言: